Америкалик қиз 60 метрлик қоядан тушиб кетгандан кейин омон қолди

Америкалик қиз машинаси 60 метрлик қоядан тушиб кетгандан бир ҳафта ўтгач тирик ҳолда топилди. 

Қиз автомобилда ўз опасиникига Портленддан Лос-Анжелесга жўнаган. У Калифорния соҳиллари бўйидаги шосседан кетаётганда олдидан чиқиб қолган ҳайвон билан тўқнашмаслик учун рулни кескин четга бурган ва қоядан пастга тушиб кетган.  

Қизни унинг автомобилини пайқаган сайёҳлар топишган. Қиз машинаси радиаторидаги сувни ичиб омон қолишга муваффақ бўлган. Қиз топилганда ўз ҳушида, бироқ елкаси жароҳатланган ҳолда бўлган.

Монтерей шаҳри полицияси вакили Жон Торнбургнинг таъкидлашича, қизнинг омади чопган, чунки бундай ҳолларда одамлар одатда ҳалок бўладилар ёки океанга оқизилиб кетадилар.