Эрон АҚШни судга берди 

Эрон ташқи ишлар вазири Муҳаммад Жавод Зариф Теҳрон АҚШнинг бир томонлама санкциялари киритиши устидан БМТ Халқаро судига мурожаат қилганини билдирди.

У Эрон АҚШ «ноқонуний тарзда такроран бир томонлама санкциялар» киритгани учун жавоб беришини истаётганини маълум қилди.

«Эрон АҚШнинг дипломатия ва ҳуқуқий мажбуриятларни менсимаслигига нисбатан қонун устуворлиги бўлиши тарафдори. Уларнинг халқаро қонунларни бузиш одатларига қарши чиқиш бурчимиз», — таъкидлади вазир.

Эслатиб ўтамиз, саккизинчи май куни Дональд Трамп Вашингтон Эрон билан ядровий келишувдан чиқишини, шунингдек, Теҳронга қарши барча санкциялар қайта тикланишини маълум қилганди.