Порошенко Донбассдаги барча шаҳару қишлоқларда Украина байроғи ҳилпирашига ваъда берди

Фото: Reuters

Украина президенти Петро Порошенко ўзининг фейсбукдаги саҳифасида Донецк ва Луганск вилоятларининг барча шаҳару қишлоқларида Украина байроғи ҳилпирашини айтди.

«Аминманки, Украинанинг кўк-сариқ байроғи Донецк ва Луганскдаги барча шаҳар ва қишлоқлар узра ҳилпирай бошлайди», дея ёзади Порошенко.

Аввалроқ, Поошенко Киев Донбассга БМТ тинчликпарвар кучлари киритилиши билан ҳудудда сайловларга тайёргарлик кўришни бошлашини айтган эди.

Россия президенти Владимир Путин Дональд Трамп билан бўлиб ўтган учрашув чоғида Донбассда референдум ўтказиш таклифини берган эди. Сўнгги маълумотларга қараганда, бу таклиф Америка томонидан қабул қилинмаган.

#Донецк #Петро Порошенко #Луганск

Kun.uz янгиликларини Google News'да кузатинг

+ Обуна бўлиш