Мексикада икки хавфли жиноятчи қамоқдан осонгина қочиб кетди

Мексика шимолида жойлашган қамоқдан икки хавфли жиноятчи Хулиан Паредес ва Карлос Игеру қочиб кетди. Бу маълумотни тегишли идоралар тасдиқлаган.

Паредес Синалоа жиноий кланини бошқарган, “Пакана” лақабли наркобарон Хоакин Гусманнинг бош ғазначиси ҳисобланган. Ҳозирда Гусман АҚШда судланишини кутмоқда.

Паредеснинг қочиб кетгани кечаси маълум бўлган. У шериги билан қўриқчилар кийимини кийиб, 6 та хавфсизлик даражасидан ҳеч қандай қаршиликларсиз ўтиб, қамоқнинг бош дарвозасидан ташқарига чиқишга муваффақ бўлган ва у ерда уларни кутиб турган машинага ўтириб қочиб кетган.

Ҳукуматнинг тахминича, камида икки қўриқчи сотиб олинган, чунки текширув вақтида улар воқеа жойида бўлмаганлар.
 
Паредес Синалоа бандитларининг 2016 йилда ҳарбий конвойга ҳужуми иши бўйича жазони ўтаётган бўлган. Ўша ҳужум оқибатида 5 аскар ҳалок бўлган, 10 нафари яраланган. Ҳукумат даставвал Паредесни қатъий тартибдаги турмага жўнатмоқчи бўлган, бироқ унинг ҳимояси у оддий турмада жазо ўташи кераклигини талаб қилган. Иккинчи қочоқ эса гиёҳванд моддалар билан курашиш агентлигининг 7 ходимини ўлдиргани учун жазо ўтаётган бўлган. 

Гусманнинг ўзи ҳам икки марта қамоқдан қочишга муваффақ бўлган. 2001 йилда у кир солинган саватда, 2005 йилда эса туннел орқали ташқарига чиқишга муваффақ бўлганди.