Улкан балиқ акулани ютиб юборди (видео)

Флорида соҳиллари яқинида балиқ овловчилар улкан групер туридаги балиқнинг акулага ҳужуми видеосини суратга олишди. Ролик YouTube’да жойлаштирилган.

Балиқ овловчилар қармоғига кичик ўлчамли акула тушган. Улар акулани секин-аста тортаётганларида сув сиртида бирдан улкан групер пайдо бўлиб, акулани бир ютиб, чуқурликка тортиб кетган.

Видеода групернинг оғирлиги остида балиқ овловчининг қўлидаги қармоғи букилиб кетганини кўриш мумкин. Гувоҳлардан бирининг айтишича, балиқ овловчилар ўлжа учун улкан балиқ билан 10 дақиқача курашишгач, охир-оқибат балиқни акулани чиқариб юборишга мажбур қилишган. Балиқ овловчиларнинг фикрича, балиқнинг оғирлиги 220 кг келган.