Тошкентдаги махсус техникалар йиғиш цехида ёнғин содир бўлди

Иллюстратив фото

Тошкент шаҳрининг Мирзо Улуғбек туманида ёнғин содир бўлди, деб хабар бермоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 3 август куни Зиёлилар кўчаси 1-уйда жойлашган “Krantas group” МЧЖга қарашли махсус техникаларни йиғиш цехида ёнғин содир бўлган. Кўрилган чоралар натижасида ёнғин ўчирилган. Ёнғин оқибатида цехнинг ички ва том қисмлари ёниб зарар кўрган.

Жароҳат олганлар йўқ. Суриштирув ишлари олиб борилмоқда.

#Тошкент #ёнғин #Цех