Сергели туманида қурилаётган янги уйлардан бирида пропан газ баллони портлади

Тошкент шаҳрининг Сергели туманида ёнғин юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

5 август соат 11.00ларда Сергели тумани 5-даҳа ҳудудида янги қурилаётган уйларда ишлаётганлар, Шайхонтоҳур туманида яшовчи, “Бинокор” трест қурилиш раҳбари Н.Х., шу трест ишчилари, З.А. ва Х.М.лар техник хавфсизлик қоидаларига риоя қилмасликлари оқибатида пропан газ баллонда қолган газ қолдиғи сизиб чиқиб, аланга чиқиши натижасида чақнаш содир бўлган.

Натижада Н.Х., З.А. ва Х.М. куйиш жароҳатлари билан касалхонага ётқизилган.