АҚШ Туркиянинг Брансонга алоқадор таклифини рад этди

АҚШ Туркиянинг таклифини рад қилди ва Halkbank турк банкига нисбатан суриштирув ишларини тўхтатмайди. Бу ҳақда The Wall Street Journal газетаси Оқ уйдаги юқори лавозимли расмийга таянган ҳолда ёзмоқда.

Анқара агарда АҚШ Эронга нисбатан санкцияларни бузганлиги сабабли Қўшма Штатларда турк банкига таҳдид солаётган миллиардлаб долларлик жаримадан воз кечса, америкалик пастор Эндрю Брансонга қўйилган айбловларни олиб ташлаш таклифи билан чиқди. Америкалик пастор Эндрю Брансон терроризмга ёрдам бериш айблови билан Туркияда уй қамоғида ушлаб турилибди. WSJ’нинг ёзишича, Анқара Вашингтондан Halkbank банкига нисбатан суриштирувдан воз кечишни сўради. Материалда айтилишича, АҚШ Туркиянинг бу таклифини рад этди.

WSJ манбаси сўзларига кўра, АҚШнинг НАТО бўйича иттифоқчиси Брансонни ҳибсга олмаган бўларди. Шу билан бирга, АҚШ Брансонга қарши айбловларни асоссиз деб атамоқда. Қўшма Штатлар президенти Дональд Трамп Брансон озод қилинмагунга қадар, Туркия учун пўлат ва алюминий божи икки баравар ортиқ бўлиши билан таҳдид қилди. Шунингдек, Оқ уй икки юқори мартабали турк мулозимига нисбатан санкциялар қўллади.

Эслатиб ўтамиз, аввалроқ Трампнинг миллий хавфсизлик бўйича маслаҳатчиси Туркия элчисини огоҳлантирганди.