Малика Клеопатра билан боғлиқ қадимий осори атиқалар топилди

Мисрлик археологлар шоҳ Птолемей V Эпифан ва унинг хотини Клеопатра билан боғлиқ буюмларни топишди. Бу ҳақда мамлакат қадимшунослик ишлари бўйича вазирлиги хабар берди. 

Олимлар қадимий Нубит шаҳрида сақланиб қолган Ком-Омбо ибодатхонасида матн ва тасвирлар туширилган узун тош плиталарни аниқлашди.  

Плиталардан бирининг узунлиги 2,53 метрга етади. Унда Птолемей ва Клеопатра тасвирланган ҳамда 29 сатр иероглиф битилган. Узунлиги 2,8 метр бўлган иккинчи плитада ҳам шоҳ ва унинг оила аъзолари тасвирланган. Унга иккита матн туширилган бўлиб, бири 34 иероглифдан, иккинчиси эса қадимги Миср ёзувининг 33 белгисидан иборат.