Қўшимча функционаллар
-
Тунги кўриниш
Скрипаллар иши. Женева шаҳрининг муҳим ўрни аниқланди
Фото: Metroplitan Police
Британиялик терговчилар ГРУ собиқ зобити Сергей Скрипаль ва унинг қизи Юлияни заҳарлашда гумон қилаётган россияликлар Европага ўнлаб маротаба парвоз қилишган. Бу ҳақда The Telegraph газетаси Буюк Британия ҳукуматидаги манбаларга асосан хабар бермоқда.
Чипталарга кўра, Александр Петров ва Руслан Боширов тахаллусидан фойдаланган эркаклар кўпроқ Женевага ташриф буюришган. Ҳаммаси бўлиб улар у ерда бир неча ҳафта бўлишган. Британия томонининг фикрига кўра, улар Женевада ким билан учрашганини аниқлаш энди «ҳозирда давом этаётган терговга мутлақо калитдир».
Аввалроқ, россияликлар Британия визаларини олиш учун Санкт-Петербургдан бўлган тадбиркорлар сифатида ўзини таништиришгани маълум бўлганди. Уларнинг ҳақиқий исмлари ошкор этилмаяпти, бироқ Лондоннинг таъкидлашича, бу терговга аллақачон маълум.
The Daily Telegraph’нинг аниқлик киритишича, гумонланувчиларнинг исмлари ундан аввал ҳам маълум бўлган, аммо Британия томони Россияда ўтказилган футбол бўйича жаҳон чемпионати туфайли буни очиқламаган.
Эслатиб ўтамиз, аввалроқ Скрипалларни заҳарлаган шахслар тасвирланган видео пайдо бўлганди.
Скрипаль иши
Буюк Британия фойдасига жосуслик қилган ГРУ собиқ полковниги Сергей Скрипаль 4 март куни заҳарланди. Буюк Британия бу суиқасдда Россияни айблади
Мавзуга оид
21:46 / 23.11.2024
Чарлз III нинг тож кийиши британияликларга 90 млн долларга тушгани маълум бўлди
23:36 / 20.11.2024
Британиялик фермерлар янги мерос солиғи бекор қилинишини талаб қилиб, норозилик намойиши ўтказди
21:14 / 20.11.2024
Британияда 16 ёшгача бўлган болаларни ижтимоий тармоқлардан чеклаш масаласи кўриб чиқилади
18:21 / 20.11.2024