Россия Қозоғистонга захирада сақлаш учун уран жўнатади

Фото: Pixabay

Халқаро атом энергияси агентлиги (МАГАТЭ) ва Россия МАГАТЭнинг кам бойитилган уран банкида сақлаш учун Қозоғистонга кам бойитилган уран ва ускуналар жўнатиш бўйича келишув имзолади, деб хабар берди РИА Новости.

Кам бойитилган урандан атом электростанциялари учун ёнилғи ишлаб чиқаришда фойдаланилади. МАГАТЭнинг кам бойитилган уран банки турли мамлакатларга ядровий ёнилғиларни кафолатли етказиб беришни таъминлаш механизмидир. Бу захирадан фақатгина жаҳон уран бозорида инқирозли ҳолат юз берганида фойдаланилади.

Банк Қозоғистоннинг Усть-Каменогорск шаҳридаги Ульбин металлургия заводи ҳудудида жойлашган.