Қўшимча функционаллар
-
Тунги кўриниш
Ўзбекистон АЭС қурилишида МАГАТЭ тавсияларига риоя қилинишини билдирди
Фото: AFP/ Joe Klamar
Фанлар академияси президенти Беҳзод Йўлдошев бошчилигидаги Ўзбекистон делегацияси Халқаро атом энергияси агентлиги (МАГАТЭ) бош конференциясининг 62-йиллик сессиясида иштирок этмоқда, деб хабар берди Ўзбекистон ТИВ матбуот хизмати.
Сессия 17-21 сентябрь кунлари Вена шаҳрида бўлиб ўтади.
Хабарда айтилишича, Ўзбекистон томони бош конференция қатнашчиларини шу йилнинг 7 сентябрь куни Москвада Ўзбекистон ва Россия ўртасида республика ҳудудида атом электр станциясини қуриш бўйича ҳамкорлик тўғрисида ҳукуматлараро битим имзолангани ҳамда бу йўналишдаги ишлар бошлангани ҳақида хабардор қилди.
Ўзбекистон делегацияси раҳбари лойиҳани амалга оширишда МАГАТЭ тавсиялари ва ушбу соҳадаги халқаро меъёр ва қоидаларга қатъий риоя қилиниши таъминланишини билдирди.
Ўзбекистоннинг Австриядаги элчихонасининг хабар қилишича, МАГАТЭ бош конференциясининг 62-йиллик сессиясида иштироки доирасида Ўзбекистон делегацияси МАГАТЭ раҳбарияти ва бошқа давлатлар ҳамда компаниялар вакиллари билан атом энергиясидан тинч мақсадларда фойдаланиш соҳасида ҳамкорлик қилиш масалалари бўйича музокаралар ўтказишни режалаштирган.
Эслатиб ўтамиз, Ўзбекистонда Россиянинг «Росатом» давлат корпорацияси билан ҳамкорликда атом электр станциясини қуриш бўйича келишувга эришилган бўлиб, мазкур комплекс 2та энергоблокдан иборат, ҳар бирининг қуввати 1 минг 200 мегаватт бўлади. Атом электр станцияси учун дунёдаги энг хавфсиз ва замонавий эгергоблок танлаб олинган. Уни 2028 йилгача ишга тушириш режалаштирилган.
Ўзбекистонда биринчи АЭС қурилиши
Мавзуга оид
19:01 / 05.04.2025
“Ҳар қандай лойиҳани, албатта, экологик экспертизадан ўтказамиз” – экология вазири АЭС ҳақида
20:40 / 29.03.2025
Катта АЭСга қайтиш, сунъий навбат ажиотажи ва кечиктирилган тарифлар — ҳафта дайжести
21:05 / 27.03.2025
Ўзбекистон олдида турган 5 та асосий хавф-хатар. Уларни қандай енгиш мумкин?
17:42 / 27.03.2025