Йўловчи ва ҳайдовчининг ўзаро жанжали пичоқ уриш билан тугади

Андижон вилоятининг Шаҳрихон туманида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Маълум бўлишича, жорий йилнинг 18 сентябрь куни “Қоракўрпа” МФЙда яшовчи А.А. таниши О.А. бошқарувидаги “Кобальт” русумли автомашинасида йўловчи сифатида кетаётган вақтида “Вахим” МФЙ ҳудудига етиб келганларида А.А. ўрталарида келиб чиққан ўзаро жанжал сабаб О.А.га пичоқ билан жароҳат етказган.

Натижада О.А. касалхонага ётқизилиб, А.А. қўлга олинган. Ҳолат юзасидан жиноят иши қўзғатилган. Тергов ҳаракатлари олиб борилмоқда.