Facebook сиёсат ҳақидаги машҳур саҳифаларни ўчириб ташлади

Фото: ТАСС

Facebook ижтимоий тармоғидан консерватив ва либерал сиёсат ҳақидаги ўнлаб саҳифалар ўчириб юборилди, сабаби улар бир хил сохта аккаунт томонидан бошқарилган. Бу ҳақда BuzzFeed хабар қилмоқда.

Таъкидланишича, ушбу саҳифалар қарийб 30 миллион кишилик аудиторияни қамраб олган. Facebook саҳифаларни ўчириб юборишга қарор қилди, сабаби улар спам тарқатилишига қарши ижтимоий тармоқда қабул қилинган қоидаларни бузган.

Аниқлик киритилишича, яқинда барча саҳифаларда LifeZette.com консерватив сайти ҳақида маълумот пайдо бўлди. Унга Fox News бошловчиси Лора Инграхам асос солган бўлиб, ҳозирги вақтда ресурс канадалик миллиардерга тегишли.

Эслатиб ўтамиз, аввалроқ Оқ уй Google ва Facebook’ни текширишга қарор қилганди.