Warner Netflix’нинг «қотилини» ишга туширади

Фото: Getty Images | Bloomberg

WarnerMedia'га эга бўлган Американинг трансмиллий телекоммуникацион конгломерати AT&T Netflix билан рақобатлашадиган стримингли видеосервис ишга туширишни режалаштирмоқда. Бу ҳақда The Wall Street Journal газетаси хабар берди.

Нашрдан таъкидланишича, бундай режалар WarnerMedia медиакорпорациясини сотиб олганидан кейин конгломератда пайдо бўлган. Янги сервисда Warner’нинг буюртмаси билан олинган ТВ-шоу ва фильмларни томоша қилиш имкони бор.

WarberMedia раҳбари Жон Станкининг қўшимча қилишича, янги сервис HBO телеканалининг пуллик стриминг сервиси билан боғлиқ бўлади, лекин уни алмаштирмайди.

Кутилишича, WarnerMedia стриминг сервиси 2019 йилнинг сўнгги чорагида иш бошлайди. Унинг номи кейинроқ эълон қилинади.