Қўшимча функционаллар
-
Тунги кўриниш
5 нафар венесуэлалик Колумбияга қочиш вақтида ҳалок бўлди
5 нафар венесуэлаликнинг Венесуэладан қўшни Колумбияга Тачира дарёси орқали ўтишга уриниши уларнинг ҳалок бўлиши билан якунланди.
Тачира штати фуқаролик мудофааси хизматининг хабар беришича, қирғоқларидан чиққан ва шиддатлашган дарё ўз оқимларида қочқинларни олиб кетган. Ҳозирча ҳалок бўлганлардан уч нафарининг жасади топилган.
Маълум қилинишича, ҳалок бўлганлардан 3 нафари Венесуэладаги иқтисодий инқироз сабабли мамлакатни тарк этмоқчи бўлган, қолган 2 киши уларга ҳамроҳлик қилган.
Венесуэлада анча вақтдан бери иқтисодий инқироз давом этмоқда. Халқаро валюта жамғармаси прогнозларига кўра, 2018 йил охирига келиб мамлакатда инфляция даражаси 1 миллион фоизга етиши мумкин. Бу эса мамлакатдаги вазиятни Германияда 1923 йилда ёки Зимбабведа 2000-йиллар охирида юзага келган вазиятга ўхшаш қилади.
Мавзуга оид
15:30 / 01.06.2026
Венесуэладаги зилзиладан олти кун ўтиб, 3 ёшли бола вайроналар остидан тирик қутқарилди
00:35 / 07.05.2025
Колумбияда 6 та маймунни божхонадан иштонларига яшириб олиб ўтишга уринган шахслар ушланди
22:36 / 24.04.2025
Кокаинни қонунийлаштиришга чақирган Колумбия президенти гиёҳванд моддаларга қарамликда айбланди
17:35 / 21.04.2025