Toyota носозлик туфайли 1,6 млн автомобилини қайтариб олмоқда

Фото: РИА Новости/Евгений Епанчинцев

Япониянинг Toyota автоконцерни бутун дунёдан хавфсизлик ёстиқчасида носозлик аниқланган 1,6 млндан кўпроқ автомобилни қайтариб олмоқда.

Асосан Avensis ва Corolla моделлари қайтариб олинади. Носоз автомобиллардан энг кўпи Европада бўлиб, 946 мингтани ташкил қилади. Бироқ компанияда бошқа давлатлар бўйича бундай статистика йўқ.

Шунингдек, 600 мингта автомобиль хавфсизлик ёстиқчаларига янги деталь ўрнатиш учун қайтариб олинади, чунки ҳозиргилари авария вақтида нотўғри ишлаши мумкин.