Ла Лига. «Реал» сўнгги дақиқаларда «Вальядолид» қаршилигини синдирди

Испания чемпионати 11-туридан ўрин олган бир ўйин якунланди. 

«Реал» ўз майдонида «Вальядолид» билан беллашиб, 2:0 ҳисобида ғалаба қозонди. Бу вақтинчалик бош мураббий вазифасини бажарувчи Сантьяго Соларининг илк ўйини эди.

Мухлислар голларни узоқ кутишди. 83-дақиқада Винисиус зарбасидан сўнг, Альба тўпни ўз дарвозасига йўллаб қўйди. 88-дақиқада Рамос пенальтини аниқ амалга оширди.

Турнир жадвалидаги тўғридан-тўғри рақиб устидан қозонилган ғалабадан сўнг, «Реал» 17 очко билан 9-ўриндан 6-ўринга кўтарилди, «Вальядолид» эса 16 очкоси билан 6-ўриндан 8-ўринга тушиб қолди. 

Ла Лига, 11-тур
Реал Мадрид – Вальядолид 2:0 (0:0, 2:0)
3 ноябрь, «Сантьяго Бернабеу» стадиони
Голлар: 1:0 – 83, автогол Альба, 2:0 – 88, пенальти Рамос. 
Реал Мадрид – Куртуа, Рамос, Регилон, Одриосола, Начо, Модрич, Каземиро (Иско, 56), Асенсио (Винисиус Жуниор, 73), Кроос, Бэйл (Васкес, 71), Бензема.
Вальядолид – Масип, Калеро, Альба, Мартинес, Антоньито, Суарес (Плано, 76), Мичел, Тони (Верде, 69), Алькарас, Мойяно (Чоп, 85), Унал.
Огоҳлантириш: Асенсио (45).