Англия Премьер-Лигасига аёл киши раҳбарлик қилади

Фото: Getty Images for Discovery, Inc

Animal Planet телекомпанияси президенти Сюзанна Диннэйж Англия Премьер-Лигасининг янги раҳбари бўлади, деб хабар беради АПЛ сайти.

Диннэйж 2019 йил январдан бошлаб, ўз лавозиимда ишга киришади. У 1999 йилдан бери лигани бошқарган Ричард Скадэмор ўрнини эгаллайди.

Диннэйж телевидениеда 20 йилдан буён ишламоқда. Энди у дунёнинг энг кучли лигаларидан бирини бошқаради.

«Бундай ажойиб ролни бажариш шарафига муяссар бўлганимдан хурсандман. Премьер-Лига одамлар учун катта аҳамиятга эга. Бу профессионал спортнинг чўққисидир. Бундай кучли ташкилотни бошқариш – катта шараф», – деди Диннэйж.