Месси ва Роналду «Олтин тўп» номзодлари учталигига кирмаслиги мумкин

Фото: Getty Images

Сўнгги 10та «Олтин тўп» соҳиблари Лионель Месси ва Криштиану Роналду бу йилги соврин учун учта асосий номзод рўйхатига киритилмайди, деб ёзади Daily Mirror.

Нашрнинг фикрига кўра, катта эҳтимол билан совринни «Реал» клуби ва Хорватия терма жамоаси яримҳимоячиси Лука Модрич қўлга киритади. Футболчи мадридликлар билан Чемпионлар Лигасида ғалаба қозонди, шунингдек, жаҳон чемпионатида финалгача етиб борди. Модрич ҳар иккала турнирнинг энг яхши футболчиси деб топилганди.

Кучли учликка «Реал» клуби ва Франция терма жамоаси ҳимоячиси Рафаэль Варан ва «ПСЖ» ҳужумчиси Килиан Мбаппе ҳам киради.

Эслатиб ўтамиз, Месси ва Роналдудан олдин «Олтин тўп» соҳиби бўлган футболчи бразилиялик Кака эди. У нуфузли мукофотни 2007 йилда қўлга киритди.