Samsung саратон касаллигига чалинган ходимларидан узр сўради

Samsung компанияси президенти ва бош ижрочи директори Ким Ги Нам зарарли меҳнат шароитлари туфайли онкологик касалликларга чалинган ходимлардан расмий равишда узр сўради. Бу ҳақда «Рёнхап» хабар бермоқда.

«Компания чиплар ва суюқ кристалли дисплейлар ишлаб чиқариш линиясида саломатлик учун эҳтимолий хатарларни тўлиқ назорат қилмаган. Бугун биз ушбу касалликлардан азоб чекаётган ишчилар, шунингдек, уларнинг оилаларидан чин дилдан кечирим сўраймиз», - деди Ким Ги Нам.

Хабар қилинишича, айрим ходимларнинг фарзандлари ота-оналари касаллиги туфайли хасталик билан дунёга келган. Касалланганларнинг оилаларига 132 минг доллар миқдорида товон пули тўланади.

Эслатиб ўтамиз, аввалроқ Samsung букилувчан экранли смартфонни қачондан сотиши маълум бўлганди.