Ўзбекистонда давлатнинг банк секторидаги иштироки камайтирилади 

2019 йилдан бошлаб Ўзбекистонда давлатнинг банк секторидаги иштирокини камайтириш бўйича зарур чоралар кўрилади. Бу ҳақда Марказий банк раисининг биринчи ўринбосари Тимур Ишметов UzReport телеканалига берган интервьюсида маълум қилган.

«Биз бу масалани анчадан бери кўтармоқдамиз. Ҳукумат билан ягона фикрга келдикки, кейинги йилдан бошлаб давлатнинг банк секторидаги иштирокини камайтириш бўйича аниқ чоралар кўрамиз. 

Банклар ўз фаолиятини фақат бозор шароитларида ишлаб, даромад олиш мақсадида амалга ошириши зарур. Ресурсларни, аҳолини жалб этиши, уларга қизиқарли ставкалар таклиф қилиши, кредитларни бозор шароитларида бериши лозим», - дейди Т.Ишметов.