Туркияда рекорд миқдордаги гиёҳванд модда аниқланди

Туркиялик божхоначилар Болгария билан чегарада рекорд миқдордаги гиёҳванд модда – 1,5 тонна каннабис моддасини аниқлашди. 

“Божхона хизмати Ипсал чегара пунктида 1,5 тонна каннабис моддасини аниқлади. Бу юк ҳажми бўйича энг каттаси сифатида қайд қилинди”, дейилган хабарда.

Таъкидланишича, гиёҳванд модда Албаниядан келтирилган. Фирма чегара орқали бирида соя, иккинчисида соя остига ниқобланган гиёҳванд моддани жўнатган. 

Ренгенографик текширув давомида биринчи ва иккинчи юк машинасидаги қоплар ичидаги нарсалар зичлигида фарқ аниқланган. Шундан кейин иккинчи юк машинаси қўшимча текширувга жўнатилган. Қоплар очилганда уларда соя ўрнига каннабис борлиги аниқланган. Жами 152 та қопда 10 килограммдан қилиб солинган 1 тонна 524 кг каннабис топилган.  

Операция натижаларига кўра жиноий иш очилган. Юк машинаси ҳайдовчиси ва яна икки киши ҳибсга олинган.