Финляндия ёшлар терма жамоаси АҚШни енгиб, хоккей бўйича жаҳон чемпиони бўлди

Фото: Globallookpress

Финляндия ёшлар терма жамоаси Канадада ўтган жаҳон чемпионати финалида АҚШ термасини мағлуб этиб, жаҳон чемпионига айланди.

Ванкуверда ўтган учрашув финлар фойдасига 3:2 (0:0, 1:0, 2:2) ҳисобида якунланди. Шайбаларни финлар таркибида Ессе Юлонен (32-дақ.), Отто Латвала (47-дақ.) ва Каапо Какко (59-дақ.), америкаликлар сафида Александр Хмелевский (48-дақ.) ва Жош Норрис (49-дақ.) киритдилар.

Бронза медалларни швейцарияликларни 5:2 ҳисобида ютган Россия терма жамоаси қўлга киритди.

Финляндия жаҳон чемпиони номига 5-марта сазовор бўлмоқда. Бунгача терма жамоа ушбу унвонни 1987, 1998, 2014, 2016 йилларда қўлга киритган.