Афғонистонда толиблар ҳужуми оқибатида 120 дан кўпроқ ҳарбий ҳалок бўлди

“Толибон” ҳаракати жангариларининг Афғонистоннинг Вардак вилоятидаги ҳарбий базага ҳужуми оқибатида 126 нафар ҳарбий ҳалок бўлди. Бу ҳақда Афғонистон мудофаа вазирлигидаги мансабдор шахсга иқтибос келтирган ҳолда Reuters ахборот агентлиги хабар берди.  

Таъкидланишича, ҳарбийлар ҳарбий машғулот марказидаги портлаш қурбонларига айланганлар. 

Аввалроқ толиблар Афғонистон махсус хизматларининг Майдоншаҳр шаҳридаги базасига ҳужум қилгани маълум қилинганди.

Tolo News телеканали маълумотларига кўра, уч нафар жангари йўқ қилинган, тўртинчи жангари эса автомобилдаги портловчи қурилмани ҳаракатга келтирган.