Австралияда автомобил рақамларига эмодзи белгиларини қўшишга рухсат берилди

Австралиянинг Квинсленд штати маъмурияти аҳолига эмодзи белгилари жойлаштирилган автомобил рақамларини буюртиришга рухсат берди. Бу ҳақда рақамларни тайёрлайдиган Personalised Plates Queensland (PPQ) компанияси маълум қилди.

Хабарда айтилишича, бундай автомобил рақамларига 1 мартдан буюртма бериш мумкин бўлади. Уларни олмоқчи бўлганларга 5 та смайликдан (табассум қилаётган, кўзини қисаётган, қуёш кўзойнакларидаги, қаҳқаҳа отаётган ва юракчали) бирини ҳамда 3 та ҳарф ва 2 та рақамдан иборат комбинацияни танлашлари керак бўлади.

Янги рақамни қайд қилиш 475 Австралия доллари туради. Рақамни алмаштириш 165 долларга, шикастланганини алмаштириш 85 долларга айланади. Эмодзили энг креатив рақам муаллифига iPhone XS Max смартфони совға қилинади.

Автомобил рақамларига ноодатий белгиларни нафақат Квинслендда қўшиш мумкин. Мисол учун, Виктория штатида рақамларга Австралия футбол лигаси AFL белгилари, Бэтмен ва Супермен рамзларини қўшишга рухсат берилади.