Эрон ташқи ишлар вазири истеъфога чиқмоқда
Эрон ташқи ишлар вазири Муҳаммад Жавод Зариф истеъфога чиқишини маълум қилди. Зариф бу ҳақда 25 февралда Instagram’да ёзган.
“Қадрли ва жасур Эрон халқи ва ҳукуматининг охирги 67 ойдаги олижаноблиги учун катта раҳмат. Мен хизматни давом эттира олмаслигим ва фаолиятим давомидаги камчиликлар учун узр сўрайман. Бахтли ва муносиб бўлинг”, деб ёзган Зариф.
Эрон ташқи ишлар вазирлиги матбуот котиби Аббос Мусавий Зарифнинг истеъфоси сабаблари ҳақида маълумотга эга эмаслигини айтган ва вазирнинг Instagram’даги саҳифаси унга тегишли экани ҳамда хакерлик ҳужумига учрамаганини тасдиқлаган.
Эрон президенти маъмуриятида маълум қилинишича, президент Ҳасан Руҳоний Зарифнинг истеъфосини ҳали қабул қилмаган.
Жавод Зариф Эрон ташқи ишлар вазирлигига 2013 йилдан бери раҳбарлик қилиб келади. Айнан у 2015 йилда Барак Обама президентлиги вақтида ядровий битимни имзолаган.
Мавзуга оид
18:21 / 19.09.2024
Дўстона давлатлар бўйлаб турне. Шойгунинг КХДР, Эрон ва Сурияга ташрифлари ортида нима бор?
11:10 / 17.09.2024
Тошкент ва Хоразмда Ўзбекистон-Эрон бизнес-форумлари бўлиб ўтади
22:54 / 16.09.2024
Эрон президенти ўз мамлакати ядро қуроли яратиш нияти йўқлигини айтди
08:20 / 16.09.2024