Хитой Венесуэладаги вазиятга ҳарбий аралашув бўйича қарши чиқди

Фото: Xinhua/Li Muzi

Хитой Халқ Республикасининг БМТдаги доимий вакили Ма Чжаосюй сўзларига кўра, Пекин Венесуэладаги вазиятга ҳарбий аралашувга қарши чиқади. Бу ҳақда ТАСС хабар бермоқда.

Унинг сўзларига кўра, Хитой халқаро ҳамжамиятни Венесуэлада барқарорликни таъминлашга чақиради.

Шунингдек, унинг қўшимча қилишича, Хитой томони Венесуэлага сиёсий мақсадларда инсонпарварлик ёрдами етказиб берилишига қарши чиқади.

Ма Чжаосюйнинг қайд этишича, республика фуқаролари Венесуэладаги инқирозга ечим топиш билан шуғулланиши лозим.

Эслатиб ўтамиз, аввалроқ Россия вакили АҚШ Венесуэлани талон-торож қилгани, Гуайдо эса қаллоб экани ҳақида айтганди.

Тайёрлаган Отабек Матназаров

#Хитой #Венесуэла

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди