Покистон ҳаво сарҳади 4 мартгача ёпиқ бўлади

Фото: Mukesh Gupta / REUTERS

Покистон фуқаро авиацияси бошқармаси мамлакат ҳаво сарҳади 4 мартгача ёпиқ бўлишини тасдиқлади.

Мамлакат ҳаво сарҳади Покистон армияси Кашмир ҳудудида Ҳиндистоннинг иккита ҳарбий самолётини уриб туширгани ҳақида маълум қилганидан сўнг ёпилганди.

Бошқарманинг Twitter саҳифасида маълум қилинишича, мамлакат ҳаво ҳудуди 4 март маҳаллий вақт билан соат 8.00гача ёпиқ бўлади.

Ҳиндистон ва Покистон ўртасидаги вазият кескинлашиши қатор авиакомпанияларнинг рейслари бекор қилиниши ва кечикишига олиб келди. Жумладан, “Ўзбекистон ҳаво йўллари” авиакомпанияси 1 мартдаги Лоҳур-Тошкент қатновини бекор қилди.

Тайёрлаган Дилшод Аскаров

#Покистон #авиапарвоз

14 февраль куни Покистон ҳудудида ўрнашган «Жайш-э-Муҳаммад» террорчи гуруҳи Кашмирда Ҳиндистон армияси ҳарбийлари колоннаси ўтаётган йўлда теракт содир этиши натижасида 46 нафар ҳинд ҳарбийси ҳалок бўлди. Бу воқеа ортидан Покистон ва Ҳиндистон муносабатларида можаро яна авж олди.