Жаҳон | 08:38 / 03.03.2019
3311
2 дақиқада ўқилади

Австралияда тошқинлар сабабли минглаб одамлар эвакуация қилинди 

Австралия шимолидаги Квинсленд штатида тошқинлар сабабли мингдан кўпроқ одам эвакуация қилинди. Бу ҳақда ABC телеканали хабар берди.  

Штатнинг фавқулодда вазиятларни енгиш хизмати вакили Катарина Кэроллнинг маълум қилишича, фавқулодда хизматлар охирги 24 соат давомида 18 та қутқарув операциясини ўтказиб, 1,1 мингга яқин одамни эвакуация қилишган.

Телеканал маълумотларига кўра, штат бош вазири Анастасия Палашчук бир неча минг уй сув остида қолганини маълум қилган.

Мингга яқин одам эвакуация марказларида қабул қилинган, штат шимолидаги Таунсвиллдаги барча мактаблар ёпилган. Шаҳар аэропорти ҳам ёпилган, у 4 март куни тушдан кейин очилади.

Шуҳрат Раҳимов
Тайёрлаган Шуҳрат Раҳимов
Kun.uz янгиликларини Google News'да кузатинг
+ Обуна бўлиш

Мавзуга оид