Тошкентда янги автобус йўналиши очилди

Фото: KUN.UZ

Тошкент шаҳрида янги автобус йўналиши очилди. Бу ҳақда “Тошшаҳартрансхизмат” матбуот хизмати хабар бермоқда.

Қайд этилишича, бугун, 4 март куни, Тошкентда янги - 4А автобус йўналиши очилди. Ушбу йўналиш "Изза мавзеси"дан "Чилонзор метроси" бекатигача ҳаракатланади.

Автобус қуйидаги схема бўйлаб ҳаракатланади: Изза мавзеси - Катта Қани кўчаси - Мақсуд Шайхзода кўчаси - Чилонзор метроси. Янги йўналиш бугундан ҳаракатланишни бошлаган.

Эслатиб ўтамиз, аввалроқ Тошкентда ҳайдовчи ва кондуктор пенсионер аёлни автобусдан ҳайдаб чиқаргани тасвирланган видео тарқалганди.