АҚШ Венесуэла ҳукуматини “молиявий бўға олади” – Болтон

АҚШ президентининг миллий хавфсизлик бўйича маслаҳатчиси Жон Болтон Венесуэла ҳукуматига санкцияларни қатъийлаштириш билан таҳдид қилди. Болтон бу ҳақда твиттерда ёзган.

“Президент Трамп энг қатъий санкциялар ҳали келмаганини аниқ айтди. Агар Мадуро томонидан ҳокимиятнинг узурпацияси тугамаса, у ва унинг шериклари молиявий маънода бўғиладилар. Вақт тугамоқда”, деб айтган Болтон.

Трамп маслаҳатчиси Венесуэла мухолифати етакчиси Хуан Гуайдо ёрдамчисини дарҳол қўйиб юборишни талаб қилган, йўқса бу “ёмон оқибатларга” олиб келиши билан таҳдид қилган. Аввалроқ ОАВ Гуайдо ёрдамчиси ушланганини маълум қилган.