Gucci «эскирган» кроссовкани тақдим этди. Унинг нархи - 7,3 млн сўм

Фото: Gucci

Италиянинг Gucci модалар уйи «кир» пойафзални тақдим этди. Бу ҳақда The Independent хабар бермоқда.

Гап Cruise 2019 коллекциясига тегишли, компаниянинг махсус қизил-яшил чизиқчаларига эга кроссовкалар ҳақида бормоқда. Улар атайин худди эскириб қолгандек ва бундан аввал кийилгандек кўринишга эга.

Люкс бренднинг расмий сайтида айтилишича, моделнинг винтаж дизайни 1970-йиллар спорт услубига жуда яқинлаштирилган.

Пойафзал уч хил рангда мавжуд. Бир жуфтининг нархи 870 долларни (7,3 млн сўм) ташкил этади.

Февраль ойида мода саноатида истеъмолчилар одатини таҳлил қилишга ихтисослашган Lyst платформаси мутахассислари Gucci’ни дунёдаги энг машҳур бренд, деб тан олишди.