Аллегри «Ювентус»дан кетади, унинг ўрнига номзод топилган

«Наполи»нинг собиқ спорт директори Пьерпаоло Маринонинг айтишича, «Ювентус» бош мураббийи Массимилиано Аллегри мавсум якунида клубдан кетишга қарор қилган.

«Аллегри «Ювентус»да қолмайди. Бу – унинг танлови, у олдинга қараб интилмоқчи.

Туриндагилар Аллегри ўрнига Дешамни танлаб бўлишган», – деди Марино Tuttosport’га берган интервьюсида.

Маълумот учун, Франция терма жамоасининг амалдаги бош мураббийи Дидье Дешам учун «Юве» бегона эмас. У 2006/07 мавсумида «бьянконери»ни Б Сериядан А Серияга олиб чиққан, аммо кейин трансфер сиёсати масаласида раҳбарият билан келиша олмай, клубни тарк этганди.

Аввалроқ «Ювентус» Аллегри ўрнига Зинедин Зиданни таклиф қилмоқчи экани ҳақида маълумот бўлган, аммо франциялик мураббий «Реал»га қайтишни афзал билганди.