АҚШ Мадуродан Венесуэлани тарк этишни талаб қилмоқда

АҚШ Венесуэла президенти Николас Мадуро мамлакат ҳудудини тарк этишини талаб қилмоқда. Бу ҳақда 30 апрелда CNN телекомпаниясига интервьюда АҚШ давлат котиби Майкл Помпео айтиб ўтди.

Помпеодан ҳозир Мадурога қандай мурожаат йўллаган бўлиши ҳақида сўралганда, “Самолётни ишга туширинг”, деб жавоб қилган у. У бир неча марта Мадуро Венесуэлани “тарк этиши вақти келганини” айтган.

“Унинг учун Венесуэлани тарк этиш вақти келди. Демократия ва эркинликни қўллаб-қувватлашга тайёрлар учун ҳокимиятни топшириш ўтиш жараёнининг таркибий қисми бўлишга ва минтақадаги барча давлатлар билан ҳамкорликни бошлашга яхшилаб тайёрланиш лозим”, деб айтган Помпео.

АҚШ давлат котибининг айтишича, агар Мадуро Венесуэлани тарк этишдан бош тортса, Вашингтон унга ва унинг атрофига босимни кучайтиради. 

Помпео Мадуро мамлакатни тарк этишни истамаса нима бўлиши ҳақидаги саволга “У ва уни қўллаб-қувватлаётганлар учун сарфлар ошаверади. Афсуски, мен у бу борада ташвишланаётганига ишончим комил эмас. У ташвишланаётганига умид ва дуо қиламан”, деб жавоб қилган АҚШ давлат котиби. 

“Биз Венесуэла халқига нисбатан зўравонлик қўллаётган ва зўравонликлар амалга ошираётганларни жавобгарликка тортамиз”, деб қўшимча қилган Помпео.

Айни вақтда Венесуэлада пойтахт Каракас ва бошқа шаҳарларда ҳукуматга қарши акциялар ўтмоқда.