«Локомотив» Осиё Чемпионлар Лигасида гуруҳдан чиқолмади

Осиё Чемпионлар Лигаси гуруҳ босқичида 5-тур ўйинлари ўтказилмоқда.   

В гуруҳида «Локомотив» сафарда «Ал-Ваҳда» билан беллашди ва 1:3 ҳисобида ютқазди.

47-дақиқада Темурхўжа Абдухолиқов боши билан аниқ зарба йўллаб ҳисобни очган эди. Бироқ, «темирйўлчилар» ғалабани ушлаб қола олишмади. 60-дақиқада «Ал-Ваҳда» ҳужумчисининг зарбасидан сўнг, тўп Йеличга тегиб «Локомотив» дарвозасидан жой олди. 77-дақиқада Леонардо пенальтини аниқ амалга ошириб, мезбонларни ҳисобда олдинга олиб чиқди. Ҳакам томонидан қўшиб берилган дақиқаларда Халил яна бир гол уришга муваффақ бўлди.

Бу натижадан сўнг, «Локомотив»нинг гуруҳдан чиқолмаслиги аниқ бўлди.

ОЧЛ, гуруҳ босқичи, 5-тур
8 май

Ал-Ваҳда (БАА) – Локомотив (Ўзбекистон) 3:1

Голлар: Йелич (60 автогол), Леонардо (77 пен), Халил (90+2) - Темурхўжа Абдухолиқов (47)