Ҳиндистонда бортида 10 дан кўпроқ одам бўлган ҳарбий самолёт йўқолиб қолди

Ҳиндистоннинг шимолидаги Ассам штатида Ан-32 ҳарбий-транспорт самолёти билан алоқа йўқолди. Бу ҳақда NDTV телеканали хабар қилди.  

Ҳиндистон ҳарбий-ҳаво кучлари самолёти маҳаллий вақт билан 12:25да Жохарта шаҳридан ҳавога кўтарилиб, Аруначал-Прадеш штатига йўналган.

Диспетчерлар самолёт экипажи билан соат 13:00дан алоқа ўрната олишмаяпти. Самолёт бортида 13 киши бўлган.

Айни вақтда самолёт ва ундаги одамлар ҳақида ҳеч нарса маълум эмас, Ҳиндистон ҳукумати ҳозирча ушбу воқеа бўйича изоҳ бермаяпти.