Неймар Копа Америкада қатнашмайди

Бразилия миллий жамоаси ҳужумчиси Неймар Копа Америкада қатнаша олмайдиган бўлди.

Бразилия футбол конфедерацияси расмий сайтида билдирилишича, шифокорлар 27 ёшли футболчининг Қатарга қарши кечган ўртоқлик ўйинида (2:0) олган жароҳати етарлича жиддий, деган хулосага келишган.

Кечаги баҳсда асосий таркибда тушган Неймар ўнг оёғи тўпиғидан шикастланиб, 21-дақиқада Эвертон Соаресга алмаштирилган эди. Шундан сўнг у захира ўриндиғида ўтирар экан, кўз ёшларини тийиб тура олмади ва тиббий штаб ходимлари ёрдами билан кийим алмаштириш хонасига йўл олди.

Neymar left the pitch crying because of an injury. pic.twitter.com/ec8PGAAmjr

— Galu (@PSGalu) June 6, 2019

Маълум бўлишича, у стадионни қўлтиқтаёқда тарк этган.

 

 

 

 

View this post on Instagram

 

 

 

 

 

 

 

 

 

Taí...imagens minhas!! @neymarjr deixando estádio de muletas!! @edilsonsilvanarede #leonardobaran #seleçãobrasileira @itatiaiaoficial ** Jogador seguiu para um hospital. Entorse no tornozelo direito.

A post shared by Leonardo Baran (@leonardobaran) on Jun 5, 2019 at 6:51pm PDT

Эслатиб ўтамиз, Бразилия 15 июнда бошланадиган Копа Америкага тайёрланмоқда. Мусобақа мамлакатнинг 5та шаҳрида 7 июлга қадар бўлиб ўтади. Унда мезбонлар Боливия, Венесуэла ва Перу билан бир гуруҳдан жой олишган.