Адлия вазирлиги тизимида янги тайинлов амалга оширилди

Адлия вазирлигининг Юридик таълим ва суд-экспертиза фаолиятини мувофиқлаштириш бошқармасига бошлиқ тайинланди. Бу ҳақда вазирлик матбуот хизмати хабар берди.

Хабарда айтилишича, адлия вазирининг буйруғи билан Раҳматов Анвар Исломович Юридик таълим ва суд-экспертиза фаолиятини мувофиқлаштириш бошқармаси бошлиғи лавозимига тайинланди.

А.Раҳматов шу кунга қадар Бухоро вилоят адлия бошқармаси бошлиғининг биринчи ўринбосари лавозимида ишлаб келаётган эди.