Самарқанд ва Жомбой туманлари 4 сектор раҳбарлари ишдан олинди

Самарқанд вилояти Жомбой тумани 4 сектор раҳбарлари ишдан олинди. Бу ҳақда Kun.uz’га туман ҳокимлигидаги манба хабар қилди. Бу хабарни иккинчи мустақил манба ҳам тасдиқлади. 

Эслатиб ўтамиз, 26 июль куни Ўзбекистон Республикаси Президенти Ш.Мирзиёев Самарқанд вилоятига ташриф буюрди. Қатор иншоотлар, лойиҳалар билан танишган давлат раҳбари куннинг иккинчи ярмида Самарқанд туманида вилоят, туман, шаҳар сектор раҳбарлари, вилоят фаоллари билан йиғилиш ўтказган. 

Йиғилиш натижасига кўра, Жомбой туман ҳокими Умиджон Назаров ҳамда Самарқанд тумани ҳокими Шуҳрат Жамолов қолган 3 сектор раҳбарлари билан бирга эгаллаб турган вазифаларидан озод этилган.