Шомуродовнинг голи «Ростов»га ғалаба келтирди

Россия чемпионатининг 3-турида «Ростов» Тулада «Арсенал» меҳмони бўлиб 3:2 ҳисобида ғалаба қозонди.

Ўйинда ҳисоб 21-дақиқадаёқ очилди. «Ростов» яримҳимоячиси Роман Ерёменко жарима зарбасини голга айлантирди. 49-дақиқада Алексей Ионов меҳмонларнинг устунлигини оширди. Уни Элдор Шомуродов голли пас билан таъминлади. 67-дақиқада «Арсенал» форварди Евгений Луценко жавоб қайтарди. 81-дақиқада Шомуродов жамоасининг учинчи голини урди. 90+5-дақиқада Горан Чаушич ҳисобни қисқартирди.

Энди «Ростов» 7 очко жамғарган ҳолда Россия Премьер-Лигаси турнир жадвалида 2-ўринга кўтарилди. «Арсенал» 4 очко билан 8-ўринда жойлашган.

Россия чемпионати
3-тур
«Арсенал» Тула – «Ростов» 2:3 (0:1, 2:2)
Голлар: 0:1 – 21 Еременко, 0:2 – 49 Ионов, 1:2 – 67 Луценко, 1:3 – 81 Шомуродов, 2:3 – 90 Чаушич.
Арсенал Тула – Нигматуллин, Григалава, Хагуш (Комбаров, 76), Альварес, Беляев, Ткачев, Костадинов (Горбатенко, 72), Лесовой, Ломовицкий (Банда, 79), Чаушич, Луценко.
Ростов – Песьяков, Козлов, Чернов, Чистяков, Сигурдссон, Еременко, Байрамян (Зуев, 70), Попов (Глебов, 67), Норманн, Ионов, Шомуродов (Сигурдарсон, 84).
Огоҳлантиришлар: Григалава (11), Козлов (27), Костадинов (37), Попов (47), Байрамян (57), Горбатенко (80).