Тошкентда Қурбон ҳайити куни автобуслар соат 4:30дан йўналишларга чиқарилади

Ўзбекистонда Қурбон ҳайити 11 август, якшанба куни нишонланади. Байрамни кўтаринки рухда ўтказиш, халқимизга муносиб шароит яратиш мақсадида мутасадди ташкилотлар томонидан қатор чора-тадбирлар белгиланди, деб хабар қилмоқда “Тошшаҳартрансхизмат”.

Қайд этилишича, акциядорлик жамияти томонидан Ҳайит кунлари пойтахт аҳлига қўшимча қулайлик яратиш мақсадида автобуслар 4:30 дан йўналишларга чиқарилади. 

Жомъе масжидлари атрофида “Тошшаҳартрансхизмат” АЖ мутасадди ходимларининг 5:00 дан 8:00 гача навбатчилиги ташкил этилади. Жомъе масжидлари олдидан ўтувчи йўлларда ҳаракат вақтинча чекланган тақдирда автобусларни мазкур ҳудудга яқин, йўловчилар учун қулай бўлган йўллардан ўтказиш чоралари кўрилади.