Россияда ўлим жазосини қайтариш таклиф этилди 

Россия давлат думасининг ЛДПРдан депутати Александр Шерин жазо тури сифатида ўлим жазосидан тақиқловни олиш зарурлигини қўллаб-қувватлади.  

“Фикримча, бу тақиқлов Россияга суқиштирилган. Европа тарғибот қилувчи, мамлакатимизга суқиштирилган сохта инсоний қадриятлар давлатимизни парчалаш учун атайлаб қилинади. Ўлим жазосига мораторий Россия Федерациясини барбод қилмоқда”, деб айтган депутат.  

Шу билан бирга у бу масала кўриб чиқилишига ташаббус билдиришдан бош тортган, чунки “бу мамлакат президенти масаласидир”. Шериннинг фикрича, ўлим жазосига камида бир неча кишини ўлдирганлар лойиқдир.

“Ўрта Осиёдан келган, эмизикли боланинг бошини кесиб ташлаган аёлни эслайсизми? Уни қўлга олиш вақтида отиб ташлаш керак эди. Афсус, куч тузилмалари ходимларидан бирортаси бу ишни қилиш учун ўзида журъат топа олмади”, деб айтган депутат.

Россия Европа кенгаши таркибига кириш вақтида Европанинг инсон ҳуқуқлари ва асосий эркинликларни ҳимоялаш тўғрисидаги конвенцияни ратификация қилиб, 1996 йил ўлим жазосига тақиқлов киритган.