Шри-Ланкада 42 мингдан ортиқ киши денге безгагини юқтириб олди

Фото: РИА Новости / Мария Плотникова

Шри-Ланкада жорий йилнинг саккиз ойи давомида 42 мингдан ортиқ денге безгаги билан оғриш ҳолатлари қайд этилди. Бу ҳақда Синьхуа агентлиги хабар бермоқда.

Агентликнинг билдиришича, касалликни юқтириш ҳолатлари энг кўп Коломбо округида қайд этилган (8,8 минг киши). Қайд этилишича, вирусдан 62 киши вафот этган.

2018 йилда Шри-Ланкада 48 мингдан ортиқ киши денге безгагига чалинган, 50 киши вафот этганди.

Денге безгаги субтропик ва тропик иқлимли ҳудудларда учрайдиган юқумли касаллик бўлиб, Aedes aegypti чивинлари касаллик тарқатувчилар ҳисобланади.