Дунёнинг яшаш учун энг қулай шаҳарлари рейтинги эълон қилинди
Австрия пойтахти дунёнинг яшаш учун энг қулай шаҳарлари рейтингида қаторасига иккинчи бор етакчи бўлди. Рейтинг The Economist Intelligence Unit (EIU) томонидан тузилди.
Рейтингда дунёнинг 140 шаҳри барқарорлик, атроф-муҳит, соғлиқни сақлаш, инфраструктура ва таълим кўрсаткичлари бўйича 100 баллик тизимда баҳоланади.
Вена 99,1 балл олди. Иккинчи ўринга Австралиянинг Мельбурн, учинчи ўринга Сидней шаҳарлари жойлашди. Тўртинчи ўринни Япониянинг Осака, бешинчи ўринни Канаданинг Калгари шаҳри эгаллади.
Шунингдек, Ванкувер, Торонто, Токио, Копенгаген ва Аделаида шаҳарлари юқори ўнликдан жой олди.
Суриянинг Дамашқ, Нигериянинг Лагос ва Бангладешнинг Дакка шаҳарлари яшаш учун энг ноқулай шаҳарлар деб топилди.
Август охирида The Economist Intelligence Unit энг хавфсиз шаҳарлар рейтингини эълон қилганди. Рўйхатдаги энг юқори ўринларни Токио, Сингапур ва Осака шаҳарлари олганди.
Мавзуга оид
20:30 / 18.09.2024
Ўзбекистон электрон ҳукумат рейтингида 6 поғона юқорилади
18:35 / 12.09.2024
2024 йилда дунёда энг кўп сотилган автомобиллар ўнталиги маълум қилинди
23:17 / 08.08.2024
Дунёнинг энг қиммат шаҳарлари эълон қилинди
07:24 / 08.08.2024