Франция Президенти Албаниядан узр сўради

Франция Президенти Эммануэл Макрон Албания бош вазири Эди Рамадан Франция – Албания ўйинидан олдин мадҳия билан боғлиқ бўлган воқеа учун узр сўради.

Эслатиб ўтамиз, ташкилотчиларнинг хатоси туфайли Албания мадҳияси ўрнига Андорра мадҳияси янгради. Устига-устак стадион сухандони хато қилганини айтиб, Арманистондан (Албания ўрнига) узр сўради.

«Президент Макрон Франция футбол федерацияси миллий мадҳиямизни қўйишда йўл қўйган хатоси, назоратсизлиги учун самимий узр сўради.

Буни «қабул қилиб бўлмайдиган хато» деб атаб, футболчиларимизнинг муносабатини тўғри баҳолади ва узрини етказиб қўйишимни сўради», – деб ёзади Рама «твиттер»ида .