АҚШ Польшага 32 та F-35 қирувчи самолёти сотилишини маъқуллади

АҚШ Польшага умумий қиймати 6,5 млрд долларлик 32 та энг янги F-35 қирувчи самолёти сотилишини маъқуллади. Бу ҳақда Пентагон маълум қилди. 

Мавжуд қоидаларга кўра, самолётлар сотилишини давлат департаменти маъқуллаган.

“Таклиф қилинаётган битим АҚШнинг ташқи сиёсати ва миллий хавфсизлиги мақсадларига ёрдам беради. У НАТО бўйича иттифоқдошлар хавфсизлигини яхшилайди”, дейилган хабарда.

Пентагонда таъкидланишича, самолётлар Польшага минтақада тажовузни қайтаришга сезиларли мудофаа салоҳиятини беради.

Янги самолётлар Польша қуролли кучларида мавжуд бўлган Миг-29 ва Су-22 самолётлари ўрнини эгаллаши кутилмоқда. Пентагон Варшавада янги самолётларни ўз қуролли кучларига киритишда қийинчиликлар вужудга келмаслигига умид қилмоқда.