Ўзбекистонга жисмоний шахсларнинг пул ўтказмалари миқдори маълум бўлди

Фото: Pascal Lauener / Reuters

2019 йил I ярмида Ўзбекистонга жисмоний шахсларнинг трансчегаравий пул ўтказмалари 2,59 млрд долларни ташкил этди.

Марказий банкнинг 2019 йилнинг I ярим йили учун тўлов баланси ва халқаро инвестицион позицияси, шунингдек, ташқи қарз бўйича маълумотларида айтилишича, 2018 йил I ярмида ушбу кўрсаткич 2,28 млрд долларга тенг бўлган.

Ўз навбатида, 2019 йил I ярмида Ўзбекистондан ўтказмалар миқдори 467 млн долларни ташкил қилди. 2018 йил I ярмида - 401,1 млн доллар.

2019 йил I ярмида энг кўп пул ўтказмалари МДҲ давлатларидан амалга оширилган - 2,15 млрд доллар. Бунда кучли учлик қуйидагича кўринишга эга: Россия Федеpацияси - 1,97 млрд, Қозоғистон - 144,1 млн, Қирғизистон - 16,6 млн доллар.

Қолган мамлакатлар ҳиссасига 433,9 млн доллар тўғри келди.

#Марказий банк #ўтказма