Volkswagen Туркияда завод қуриш ҳақида қарор қабул қилишни ортга сурди

Фото: DPA/ТАСС

Германиянинг Volkswagen AG компанияси Туркияда завод қуриш ҳақида якуний қарор қабул қилишни ортга сурди. Бу ҳақда Handelsblatt нашри хабар қилди.

"Биз катта хавотир билан вазиятни кузатмоқдамиз", - деган компания вакили нашрга.

Туркия Сурия шимолида ҳарбий операция бошлагани учун халқаро танқидга учради ва VW бунинг ортидан келадиган эҳтимолий хатарлардан ташвишда.

Октябрь бошида VW Туркиянинг Маниса вилоятида йилига 300 мингга яқин автомобиль ишлаб чиқарувчи завод қуришни режалаштириб, 943 млн лир ($164 млн) капиталга эга шўъба корхонасини ташкил этганди. Лойиҳага киритиладиган инвестиция миқдори 1,3 млрд евро деб баҳоланганди.

9 октябрь куни Туркия қуролли кучлари курд қуролли тузилмаларини сиқиб чиқариш учун Сурия шимоли-шарқида "Тинчлик булоғи" операциясини бошлади. АҚШ ва Европа давлатлари бу операцияга қарши чиқди.

Тайёрлаган Дилшод Аскаров

#Туркия #Volkswagen

Туркия 9 октябрь куни Сурия шимолидаги курдларга қарши қуруқликдаги ҳарбий кампания бошлади. «Тинчлик булоғи» номли амалиётдан мақсад - Туркия чегаралари яқинида террорчилар учун йўлак қолдирмаслик ҳисобланади