АҚШда полициядан 40 йил яшириниб юрган қотил қўлга тушди

АҚШда одил судловдан 40 йилга яқин яшириниб юрган жиноятчи Уолтер Жеймс Мейсон қўлга олинди.

Фото: Post Register

Мейсон 1980 йилда Айдахо штатида содир этган ҳужуми учун қидирилган. Ўшанда у барни тунаши вақтида 3 киши жабрланган. У бир аёлнинг юзига тўмтоқ буюм билан зарба берган, бошқа бир кишини тўппонча билан елкасига урган, яна бир кишини бошига ўқ узиб ўлдирган.

Ўшанда Мейсон 47 ёшда бўлган. Уни ФҚБ, округ шерифи ва штатнинг балиқчилик ва овчилик хўжалиги департаменти қидирганига қарамай, у яширинишга муваффақ бўлган ва шундан кейин жорий октябргача қадар уни ҳеч ким учратмаган.

39 йилдан кейин Мейсон Техас штатида топилган. У ўзини Уолтер Жеймс Эллисон сифатида таништирган, бироқ унинг шахси бармоқ излари ёрдамида тасдиқланган. Ҳозирда 86 ёшда бўлган эркак ўз айбини тан олишдан бош тортган. Айни вақтда жиноятчи Айдахога етказилиб, у ерда қотиллик айблови бўйича суд олдида жавоб бериши кутилмоқда.